股市裡的機會主義者：對沖基金，買貨唔會話俾大家知，不過買得多自然暴露痕跡，相信近期佢地嘅心頭好，都會包括呢類復甦概念的股份：航運股。如果唔係，點會咁多航運股從低位強勁反彈？
以其中一隻美國航運股Star Bulk Carriers(SBLK )為例，從2020年的低位，反彈咗超過六倍，即係600%😱。
近兩年隨着世界主要經濟區，慢慢走出疫情的陰霾，經濟轉趨活躍，市場需求反彈，航運業自然係受惠者。以波羅的海綜合指數（Baltic Dry Index, BDI）為例，2020年跌到落谷底，之後強勁反彈，而隨著通脹、經濟表現高高低低出現唔少波動。
甚麼是波羅的海指數？
波羅的海是航運業的經濟指標，是散貨原料的運費指數。需求大航運費自然加完又加，航運業收入也水漲船高。所以見到不少的航運股紛紛轉虧為盈。
圖：波羅的海指數5年表現
航運股炙手可熱
唔講大家未必咁覺，航運股早已成為炙手可熱吸納對象，不少對沖基金經理早已默默掃貨。
上面提到的Star Bulk，是一家全球航運公司，提供全球海運服務，運送貨品包括鐵礦石、煤炭和穀物，以及鋁土礦、化肥和鋼鐵產品等小型散裝貨。公司目前擁有9艘乾散貨船。
其實唔止Star Bulk做得好， 其他航運企業，包括Golden Ocean Group Limited (GOGL)及ZIM Integrated Shipping (ZIM)，股價表現亦都有睇頭，紛紛跑贏大市。
圖：SBLK、ZIM及GOGL三年股價表現
圖：航運企業簡介
投資留意事項
值得一提這些航運股派息看似非常吸引，不過這類股份屬於經濟敏感度高、周期性的股份，好景的時候股價升得好快，派息亦都好慷慨，但市況逆轉，無論股價或未來派息，隨時都會來話變就變，投資宜短不長。
近期環球經濟不時有好消息又有壞消息，主要經濟數據受高通脹及息口因素影響，航運股表現自然會波動。