小股民對投資及理財知識唔多，不限於香港的現象，即使先進如美股都一樣。呢點唔怪得晒我哋，因為由細到大，學校無教，爸媽都多數唔識教，靠的可能不少從Google搜尋番來，咁樣學法，會產生乜野普遍現象？ “信心爆棚但能力不足”囉！
呢句唔係我講，係調查話㗎。近期ChatGDP大熱，令我再諗番去年睇過的一個調查，當時還未有ChatGDP的出現。
美國Social Science Research Network (SSRN)在去年暑假，刊出一項調查報告，指互聯網令到投資者覺得他們好多野都做得到，結果就是出現信心爆棚，但投資卻失利的情況。
這篇報告題為 “沒有能力的信心” (Confidence Without Competence)，由德薩斯州大學等教授做做的。
呢個調查得出的結果有幾方面：
- 上網搵資料讓你成為更差的投資者
- 上網搵資料導致人們認為他們擁有豐富的專業知識，進而出現過於自信問題，胆子大了，勇者無懼的姿態，易招致投資失利。
SSRN研究是透過幾個步驟得出呢個結論：
首先，好多人把網上睇過的資訊，歸功於自己的知識。
換言之，好多人都忘記咗佢哋曾經係網上搜尋過一些資料，當再見到類似的資訊時，以為自已早就知道咗，覺得自己好叻、乜都識咁。呢種感覺令到佢哋投資嘅時候胆子大了。
這種現象有時被稱為Google效應，也就是說，網絡模糊咗內部和外部知識之間的界線，令人們覺得“佢地比實際了解的還要多”。
其次，Google效應會導致投資者過度自信。研究人員將一班投資者分成兩組：1)有用互聯網 , 2)沒有用互聯網。並給這兩組人相同投資測試，叫他們建立一個投資組合，並且下注。
不出所料，可以上網搵資料的投資者充滿信心，勇字當頭，敢於落注。結果呢班人的投資回報，比沒有上網搵資料的一組差。
這個現象被認為是“有信心卻無能力”。導致回報率較低的原因，似乎是他們高估自己的能加，願意承擔更大的風險。
ChatCPT效應又如何？
呢個調查係在去年11月ChatCPT未出現之前進行的，加了ChatCPT的元素，我覺得更加無眼睇🙈。
ChatCPT無疑可以為你提供方便，有更整齊的搜尋資訊，但多了AI的元素，我發覺在審核資訊的正確度更花時間。
我早前曾為兩隻股票搜尋資料，並試下用ChatCPT提供一些內容，結果佢好似有板有眼，比埋截至今年3月數據我，大家都知，ChatCPT的資料庫是截至2021年九月，今年三月的數據從何而來？分析員都冇咁update嘅資料，所以我又問ChatCPT資料何來？ 佢坦白承認，係佢自己”小心推斷”，但之前並沒有向我申明。這些資料用來協助投資決定，真不知是福還是禍！
要駕馭一種新的科技，真的要了解佢嘅利與弊，否則又會進一步令到自己信心爆棚，但能力因為一時疏懶沒有核實，走入了陷阱或作出錯誤的決定。
(10/3/2023)