美股(標準普爾500指數)年初至今已經下跌超過一成八，差不多又再步入熊市，小股民投資都越來越審慎，至少希望唔好蝕咁多錢，所以今次介紹兩隻熱間高息ETF給大家參考。
由於美股調整了不少，之前越戰越勇的小股民，交咗學費都變得小心好多，平時小散戶唔多留意的高息股，都開始多人問津。今次介紹的兩隻美股高息ETF，近一年的表現好過大市，至少連埋股息在內，總回報都冇大市蝕咁多。兩隻ETF雖然標榜高息，但都有好多不同的地方。
兩隻ETF分別是 Schwab U.S. Dividend Equity ETF (SCHD) 和Vanguard High Dividend Yield ETF (VYM)。兩隻基金成立左超過10年，開支比率都是0.06%。派息都有3%以上(扣咗股息說，都有兩厘以上)，過去平均4年的派息亦都保持在3%以上，每季派息一次。
圖：SCHD及VYM比較
Schwab U.S. Dividend Equity ETF (SCHD)
基金跟蹤道瓊斯美國股息100指數的表現。比較VYM，它的投資較為集中，持股數量有104隻，十大持股公司佔基金比重高達4成以上，息率較為吸引。
圖：SCHD十大持股
Vanguard High Dividend Yield ETF (VYM)
基金跟蹤富時高股息收益率指數，主要投資在增長和價值型股票，這隻ETF成立時間較長，差不多有16年。投資較為分散，持股數量超過400隻，10大持股公司佔基金的比重只有2成以上。
圖：VYM十大持股
兩隻ETF以派息計，以SCHD較為吸引，由於近年美股表現不濟，持有較多增長型股份的VYM，股價走勢失色，所以總回報SCHD較好。
圖：SCHD及VYM五年總回報(股價加股息表現)
值得一提，高息ETF唔等於穩健的投資，例如一隻ETF持有很多金融或者石油類股份的話，而這些股份一般派息比較慷慨，自然屬類為高息股，但股價表現就相當波動，經濟敏感度比較高，所以未必適合一些追求穩健的食息一族，大家投資時，最好做下功課，留意ETF的特質及投資組合，唔好上錯車。