投資美股好處是選擇眾多，同時市場透明度比較高，資訊流通比較廣，可以部署一個比較長線的策略，而有幾個方向筆者是比較喜歡的，包括：綠色環保、網絡安全，以及金融科技。 這些內容早前的文章略略介紹過。
其實唔覺唔覺我都用咗行動來支持自己的睇法。買下買下都入咗唔少相關的股份😬。這些美股投資主題相信香港的主流財經媒體比較少討論，往後筆者都可以同大家跟進一下。
今次先講講網絡安全股。在三月之前筆者寫過一篇文章介紹過網絡安全股，有興趣可以重溫一下：
最新消息是其中介紹過的一隻CrowdStrike(CRWD)，剛被納入為納斯達克指數成份股，8月26日正式生效。順帶一提，公司將在 8月31號公布業績，或者未來幾日股價會較為波動一點。
同時又順帶講講，筆者現正持有這隻股份。
CrowdStrike幾年間快高長大
CrowdStrike在2011年成立，2019年上市， 公司由前McAfee管理高層創立，業務主要提供端點防護(endpoint protection)。Endpoint protection針對大家的手提電腦、手機及流動裝機等的相關安全的服務，收入以訂閱服務為主。客戶亦包括全球的大型企業及政府部門。
在短短幾年之間，CrowdStrike的股價三級跳，並且晉身成為納斯達克指數成份股，真是一隻高增長型的股份，無它因為處身的行業，正正是當時得令的熱門行業，今時今日大至各地政府部門、大型企業，小至中小企、在家工作、玩遊戲機的你和我，都可能受到網絡安全的威脅。
筆者經歷過唔少次網絡安全的威脅，收過多封勒索的電郵，又接過航空公司、旅遊網站等的電郵通知，話佢地公司受黑客襲擊，包括筆者在內的客戶資料可能外洩，怪唔得經常收到一啲不知名的垃圾電郵，而網上越來越多要登入的網站，要求的密碼越來越複雜，唔買番個值得信賴的軟件儲存密碼都唔得😫，加上維持investcoo網站，都要安裝備份、偵測軟件，數下數下都有越來越多網絡安全的開支🧮。
筆者相信，現時普通人或企業投放在網絡安全的開支唔太多，但相關的開支未來將會不斷的提高，網絡安全這個行業其實是頗有前景的。
不過， 像CrowdStrike這類高增長型啲公司，投資常遇到一個問題，就是估值貴到冇朋友，以CrowdStrike的市帳率(Price to Book, PB) 為例，達到65倍，遠遠高過蘋果的39倍，以及Amazon(AMZN)的14倍，以及Tesla(TSLA)的28倍， 所以很多人都買唔落手，而投資者願意接受這個價錢，都是對公司的前景寄予厚望，如果業務表現有差池，股價會相當波動。
CrowdStrike的股價在過去升咗唔少，所以近半年冇乜表現，並且跑輸了大市。
圖：CrowdStrike上市以來股價表現
(25/8/2021)