美國股市去年經歷10多年來表現最差的一年，令到很多股民失去信心，即使是專業的基金經理，亦都唔例外，所以近期紛紛都把美股的投資比重調低，這也解釋到點解今年以來，美股的走勢都慢過其他地區的股市。
近期發表的一份基金經理調查報告(BofA survey of global investor)顯示，三成九基金經理都話會減低美股在組合內比重。又有唔少會將重點轉去新興市場，是近一年半以來最睇好新興市場的一次調查。
今年以來美股的表現其實已經跑輸全球好多市場，標普指數只係升咗5.8%，港股都升咗14.7%，跑贏一大截。其他新興市場都表現得唔錯，多咗資金流入推動股市上升，大家又會唔好考慮一下呢？
美股多隻投資新興市場的ETF，近期都錄得唔錯表現。以較大型的基金iShares MSCI Emerging Markets ETF(EEM)為例，年初至今升了11%，其他同類的ETF亦都有唔錯嘅表現。
圖：EEM及標普三年股價表現
EMM這隻ETF投資最多的是金融及科技股，合共佔了基金接近四成的比重。而投資最多的五大股份，包括台積電、騰訊、三星， 阿里巴巴及美團，大部份是中資科技股。中國放棄清零的防疫政策，將重點重回到經濟復常，令到中資股大幅反彈。其他同類的新興市場ETF，都有不少投資在中資股身上。
新興市場吸引力再現？
美國去年加息的步伐不斷加快，令到美元越走越強，新興市場都冇乜好日子過，特別是一些美元債務多的國家，同時投資新興市場，即使股價升，折算番美元都蝕了滙價。如果2023年，美股扭轉了加息的格局，美元回軟的話，哪麼新興市場便會受惠。
另一方面，如果中國今年的經濟可以恢復常態，對各類貨品需求增加，中國以致鄰近地方經濟都有改善，投資新興市場又可以看高一線。
不過新興市場始終都是較為波動，好多人覺得長線有前景，但睇番十多年來，似乎投資美股遠遠跑贏新興市場，原因之一是美國科技公司快速成為，為美股增添動力，同時中國經濟增長一年比一年慢，好多新興市場經濟表現被拖慢了，2023年會否是一個轉捩點？我的看法不是咁樂觀。
(28/1/2023)