大家投資股票的時候，有冇預計每年可以賺幾多錢？5%、10%？如果係個位數字，可能比較現實，如果係雙位數字，就對自己投資的能力頗有信心。
早兩日睇報紙看到一項調查，話中國的「跨境理財通」預料在下半年正式推出，而香港投資基金公會就「跨境理財通」進行調查，訪問過千名居於廣州、深圳、佛山及珠海的內地居民。調查結果顯示，受訪者期望透過「跨境理財通」購買香港基金產品，每年能取得高達13%回報。
對一般投資者，甚至是一些基金，每年要取得13%的回報，會係一個好大的考驗。睇睇香港的大藍籌公司，近幾年的表現，少於三分一可以達標。用一個簡單的複利率方式計算，股票投資每年賺13%，三年要有合共約44%回報。下圖看到，能達標的真係唔多，不少的投資仲要蝕錢😫。
圖：香港藍籌股近三年股價表現
註：小米、百威、美團、海底撈、阿里巴巴上市未夠三年
要取得每年賺13%，投資便要進取一啲，風險同時都會大啲。問題是香港的二、三線股的風險比回報大，加上中國政策的風向大家都好難估，在港股投資難度比美股大。
美股表現遠勝好多市場，所以吸引不少的投資者。單係買一隻ETF， 如追蹤標普500指數的VOO，或納斯達克指數的QQQ，回報都可以達標，每年有超過13%的增長。三年內可以取後4、5成回報的美股上市ETF，數目比香港藍股的總數還要多，只要去免費網站的篩選工具查一下，就搵晒出來(早前上載過短片教大家揀)。
圖：港股(恒生指數)與美股(標普指數)近三年的走勢
香港股市上市的主要為中資股，而內地經濟的高速增長期暫時告一段落，增長速度大不如前，經濟結構出現改變，近幾年來買港股或A股，想平穩每年爭取雙位數字的回報越來越有挑戰。希望對來港參與理財計劃的大灣區朋友，可以搵到出眾的理財顧問，幫到佢哋一把。
(25/6/2021)