Netflix (NFLX)呢幾年表現突出，不過，size係佢1/4， Netflix 有份湊大的Roku(ROKU)，表現更加出色。 股價繼去年升咗接近一倍半之後，今年以來再大升三成多。
Roku目前是美國最大串流平台，業務並已伸展到拉丁美洲及歐洲，包括巴西及英國等地，截至2020年底活躍用戶達5,120萬。
Roku做乜野生意？
免費電視唔一定係TVB嘅經營模式，可以好似美股Roku一樣，只要買咗佢個機頂盒，就有大量串流電視節目睇，可以係收費，亦都免費，免費節目就要睇廣告。呢個經營模式令Roku快高長大。
換言之，呢間公司的經營模式就是銷售機頂盒，提供一個一站式平台，可以睇到收費電視如netflix、ESPN、Amazon Prime等等節目（當然要俾錢訂閱）。另方面，Roku又有自家頻道Roku Channel，公司跟內容供應商合作，在Roku的頻度提供免費節目，透過播廣告賺錢。客戶買了機頂盒之後，可以在一個平台接觸到大量的節目內容，有收費、有免費。好處一個平台有齊好多串流節目，唔使㩒出㩒入經常轉台咁麻煩。
Netflix唔想做嘅業務交比Roku
呢間公司由Anthony Wood創立，Roku的日文是 “六”，即是Anthony Wood創立的第六間公司(至今他仍然是Roku的行政總裁)。2007年Wood短暫出任netflix的副總裁，負責 Internet TV。其後由於Netflix覺得太冒險，不打算自己製造播放器(player)，就交由Roku去做，Netflix就做投資者注入資金。2019年Netflix出售Roku股份，其中原因係唔想同Apple在硬件做競爭。
圖：Roku及Netflix資料
Roku的優勢
Roku的優勢是受惠近年的串流電視的興起，公司提供一站式平台，容易吸引客戶，同時，Netflix、ESPN等串流媒體要加入平台，當然要俾錢，另方面，公司跟內容供應商合作，提供免費電視服務，中間加插廣告，可以收廣告費。免費的電視內容，自然可以吸引更多的用戶入嚟，所以用戶人數年年上升。
Roku提供自家數碼平台，另一個好處係可以搜集大量用戶數據， 對用戶的喜好以及潮流趨勢更加容易掌握。
2020年受肺炎疫情的影響，大家留在家中時間多咗，要打發時間都離唔開睇電視，令到Roku的用戶和廣告收入大增，帶動股價大升。繼2019年升咗337%之後，2020再升多148%。
圖：Roku與netflix股價表現
圖：Roku與netflix三年股價走勢
股價年年大升，自然吸引一批忠實的粉絲，其中包括科技女股神Cathie Wood，她的旗艦ETF即係 ARKK，持有唔少Roku股份， 佔基金比重多達 6.9% (於31/12/2020)， 是僅次於Tesla(TSLA)之後佔比重第二最多的公司，反映Cathie Wood幾睇重Roku。
以上內容不是推介，筆者沒持有Roku