講到金融科技(Fintec)，聽落去好似好 “技術”，講”金融”兩個字已經唔太多人明白，”科技”亦都好似太抽象，其實Fintec已經跟我們日常生活息息相關，投資也應該揀番隻放入組合裡，因為選得好，可以為你未來十年、八年帶來唔錯的回報。
首先問大家一啲問題，日常搭車有沒有用八達通(或其他非接觸式支付)嘟卡俾錢？過數俾朋友有沒有用到Payme或過數快? 上網購物睇怕都唔會用現金或支票🤣，一般用信用咭或paypal。查下自已嘅銀行存款或咭數都會上網，另外買股票，呢啲通通都涉及金融科技。仲有多間近年獲香港政府批咗牌照嘅虛擬銀行，正在摩拳擦掌，向傳統銀行業務挑戰。
呢啲只係其中一部份，尚有好多嘅發展，距離頂峰有好遠路，如手機/網上買保險、網上借錢，電子錢包等等。
甚麼是金融科技
話說回來，甚麼是金融科技(Fintec)？
睇下傳統大型銀行好似滙豐，做緊乜嘢生意，呢啲業務加入了”新科技”的元素，就係金融科技。滙豐的生意涉及存款、財富管理、個人或企業間的資金周轉，按揭貸款、保險、股票及外滙等等。
甚麼是 “創新” 金融科技？
Fintec的範圍好大，可以分成好多的類別，每類別的發展有也快有慢。不過，我哋講緊嘅係有 “創新” 的元素。就係多了這個 “創新”的元素，好多新公司出現，能夠打破一向以來由銀行壟斷的生意，科技發展快到政府都管唔切，所以好多業務唔再係由銀行做，亦唔一定要向政府申請牌照，服務內容也可以好細緻。
美國女股神Cathie Wood旗下，以創新金融科技為主題的ETF：Fintech Innovation (ARKF)，對金融創新呢個意念，有一個定義，就是提供的產品或服務，可以 “改變” 金融業務的操作。係 “改變”，唔係”改善”。呢隻ETF甚至將區塊鏈技術，都加埋落投資的範疇裡面。
5隻創新金融熱門股
近年來創新的金融科技培育了不少的獨角獸、巨無霸，螞蟻金服、PayPal都是由 “創新” Fintec走出來。今次介紹5隻較熱門和大隻的相關投資，大家或者唔會感到陌生。
1. Square(SQ)
呢間去年筆者都介紹過，公司於2009年成立，是一家全球主要支付系統營運商。用戶可以通過手機在Square設備上，以刷卡或手動輸入方式使用信用卡。
圖片來源：Square公司網頁
2. PayPal(PYPL)
提供網上支付服務的營運商。無論你是個人或企業，買家或賣家，都可以成為PayPal的服務對象。繼Square之後，公司早前亦接受虛擬貨幣例如比特幣作為交易貨幣，業務增長加快不少。跟據瑞穗證券的研究顯示，PayPal接受虛擬貨幣交易的一個月內，已有17%的用戶以虛擬貨幣交易。PayPal全球有超過3.05億個用戶，即是話有超過5千萬客戶用咗虛擬貨幣買賣😲。
3. Visa(V)
Visa這家提供支付服務的信用咭公司，大家應不會感陌生，成立於1958， 雖然已經年過半百，但都能追得上科技發展，並走在最前線。近期見到競爭對手有所行動，公司亦打算接受比特幣付款的安排。
4. Fiserv(FISV)
成立於1984，1986年上市，是美國最大的金融數據服務公司之一，全球客戶多達12,000 個，來自銀行、保險公司、信用咭公司和投資公司等等，協助客戶提供電子支付，以及財務技術及數據服務等等。
圖片來源：Fiserv公司網頁
5. ARK FINTECH INNOVATION ETF(ARKF)
唔想逐隻揀，可以研究投資一藍子股份的ETF。ARKF成立於2019年，是連登仔認咗做契媽嘅Cathie Wood，佢所管理的 ARK基金公司旗下一隻ETF。主要投資在創新金融科技股。這隻ETF是ARK的ETF系列中，少有地沒有包括Tesla(TSLA)在內的基金，但即是沒有Tesla，股價近年都飆升了不少，主要因為持貨最重的Square，多年來股價升咗唔少。
圖：創新金融熱門股基本資料
除了這幾隻熱門股之外，另一隻大型的創新金融股Stripe ，亦都有意美國上市，如果成事，又是另一隻巨無霸，勢將成為2021年最大型新股之一，大家不妨留意一下。
圖：創新金融熱門股股價表現
近一個月以來，這類的股份調整了不少，但若採取一個長線投資策略，股價跌也未嘗不是好事，再等到股價跌到吸引水平，也不失為長線投資選擇，因為FinTec的發展方興未艾，大有前景，最重要是公司能夠一直走在科技的最前線。
（利申，筆者持上述部份股份。)
(6/4/2021)