2023年第一個交易日，美股表現先高後低，或者反映大家對往後表現有所保留，特別係上半年，普遍都唔算睇得太好，未來投資要繼續小心，入市都要分階段為上。
2022年的市況出現重大的調整，主要受經濟及外圍因素影響，令到投資的環境出現很大的變化，可以叫做 “板塊移動”，這些變化可能對未來幾年市況造成頗大的影響，所以在選擇股份時也要留意一下投。
多年來低息環境和資金泛濫的情況一去不再，過去不少的增長股，有相當部份含有不少的 “水份”，公司未有錢賺但估值升到冇朋友。今日息口升了不少，游資又減少了，投資要重回正軌，要睇基本因素和估值。增長型的股份冇以前咁易話升就大升，所以納指去年的調整比較傷，因為高增長或科技股的水份開始 “蒸發”了。
另方面，一些股份好似係Facebook 母公司META(META)、Neflex(NFLX)，行業走入成熟期，市場競爭大咗，高增長期過去咗，長線投資回報未必有以前吸引，除非公司能殺出另一條新路線。中短線入市要睇時機，這也是投資策略的改變。
撈底前要睇前景
話說回來，唔少優質股多年來長升長有，去年則出現一個似樣的大調整，呢個或者係趁低吸納作長線投資嘅時機，但留意番部份的調整好大程度受經濟影響，但也有一些是受雙重的打擊，業務前景轉弱，遇上經營環境不理想，所以揀股時，前者較可取。
今時今日現金就是王，加上債券息口上升，買債長揸躺平都有四厘收入，股票回報唔吸引的話，就無謂浪費機會。
筆者揀出20隻去年跌得比較多的公司，列入觀察名單，揀選的對象盡量是過往我介紹過，或者大家不會陌生的股份，有興趣大家可以重溫一下以前的文章，方便溫故知新。日後會進一步整理這些資料，同時未來亦會陸續為股份檢閱，到時再慢慢跟分析一下及分享睇法。
圖：20隻2022年調整明顯股份
註：股份名單並非投資建議，大家投資前要先做好功課。
風險程度：5分為波動最高股份，隨時蝕八成或以上。