股市又再大跌，市況仍充斥好多不明朗因素，都係唔好咁貪婪住，繼續介紹一啲防守性股票給大家。
科技股、中小企跌最傷
通脹回落幅度不似預期，美股星期二又借勢插水，唔係專業的炒家們如何搵食。年初至今(13/9/2022)，反映傳統大企業的道瓊斯指數下跌了14%， 標普指數下跌了17.5%，反映中小型企業表現的羅素2000指數跌18%，而跌得最傷的是科技股，納斯達克指數又進入了熊市，跌咗四分一，近26%。
按個別行業表現，能源股和公用仍有進帳，消費品中的必需品跌得比較少。 跌得最傷的依次序就是通訊、科技和奢侈品。
這些表現很容易理解，油價急升帶動油股上升，能源類股份自然受惠，公用股和消費必需品屬於防守性的股份，在波動市況下，投資者避險意識高漲，這類股份自然有支持。
5隻防守性大藍籌
話得說回來，當通脹升溫，美國通脹高達8.3%，物價越嚟越貴，自然削弱人民的消費能力，大家都會左慳右慳，不必要的支出，盡量都會減省，所以奢侈品市場收縮，必需品就受影響較少。
睇睇幾隻大大隻的防守性必需品股，年初至今波動比大市低。當中，可樂更加逆市有升幅。不約而同，這幾隻股份都係派息貴族的一員。
圖：5隻防守性大藍籌基本資料
可樂的表現更加標青，這隻老牌防守性消費品，公司夠大，在市場形成了一道護城河，財務又唔錯， 邊際利潤及股本回報都出色，所以一向都有唔少的捧場客，包括股神畢菲特，同時也是世界最具價值品牌公司之一。
這幾隻股份中，筆者比較喜歡Costco. 有關大型超市的介紹，可以重溫半年前的文章：大型超市走勢強Costco跑贏Amazon
大市跌中，其他股票跌到冇朋友，但呢批貴族就氣定神閒，相對上，估值方面變咗冇咁吸引。
圖：5隻防守性大藍籌股價表現
整體來說，通脹升溫，美國聯儲局有咗理據不留情地大幅加息，美國經濟無可避免要回落，問題是硬着陸，還是軟着陸的分別。如果是前者，經濟就坎坷，如果能夠軟着陸，經濟稍稍回軟，不過弱經濟的情況或者要持續一些時間，這批防守性公司繼續扮演避風塘角色。長線來說，可以見到大市調整有所喘定後分段換碼撈貨。
(15/9/2022)