見到Barrons’介紹 “垃圾股”，我都不甘後人望下先，睇落又唔錯，值得討論下，特別係近期調整咗，估值吸引番少少。講緊嘅垃圾股係癈物處理股，表現一啲都唔垃圾，最大一隻嘅股價近十年升咗超過三倍，跑贏金礦股及大市幾條街😂。
癈物處理股依家屬於環保的事業，睇番這一類別的二十多隻相關股份，三年來過半數都有唔錯嘅正回報，雖然工作或有啲厭惡性，但勝在業務穩定，經濟敏感度比較低，即使經濟出現大衰退，垃圾減少，但始終都冇其他行業咁大波動。
相關的股份中，最大一隻的龍頭股係Waste Management(MW)。
Waste Management是北美綜合廢物管理服務商，公司提供廣泛的服務包括固體廢物和可回收材料的收集、運輸、加工和處置。
這家垃圾處理公司的股票在過去一年表現穩定，部分原因是盈利和收入上都好過預期。公司的策略是嚴格控制成本開支以提升邊際利潤。透過派息穩定(息率1.7%)及回購股份，吸引唔少股民，不過值得注意的是這個行業的競爭唔細。
呢間公司好多人當係寶，並連續多年成為《財富》雜誌的“世界上最受讚賞的公司”之一。入選的考慮包括其創新、管理、社價責任、競爭力，以及財政穩固等表現。
事實上，唔單止Waste Management過去發展好，呢類的股份普遍都有穩定的表現，例如同類的 Republic Services(RSG)及Waste Connections(WCN)。
過去十年，股神畢菲特入股過的金礦股Barrick Gold (GOLD)，表現升升跌跌，最後得個吉，反而這些癈物處理的股份，都有三倍以上的回報，比黃金升值得更快，同時亦都跑贏大市，走得快過標普500指數。
圖：Waste Management及Barrick Gold 近十年表現
值得一提，Waste Management將於4月舉辦一個投資者日，討論可持續性投資，這場公關show表現好的話，話唔定又可以炒一輪。
(24/2/2023)