香港連登仔認咗做”契媽”，美國連登仔(Reddit )就當正女皇叫Queen Cathie的Cathie Wood，佢嘅投資基金旗艦ARK Innovation ETF(ARKK)以前幫咗唔少散戶賺大錢🤑，不過近呢排就深海潛水，低處未見低，一年內股價蒸發咗一半，跌咗超過5成，依家仲未走都咪話唔傷🥺？
呢個時候要止蝕定溝貨呢？投資呢類科技基金，仲係持有好多細細隻、未成氣候嘅科技公司，唔係普通嘅投資玩法，加上佢又係ETF，懂兩招基本分析都幫唔到手。
契媽傳奇
過去多年”契媽”的成績有目共睹，旗下的基金ARKK，係最重磅嘅招牌基金，於2014年成立以來成績卓越，越升越有，不單遠遠跑贏大市，更把一眾的被動型指數基金比下去，加上她的作風比較高調，在電視或社交媒體經常見到她的踪影，這令到她的風頭一時無兩。
ARKK由於幫過唔少散戶賺大錢，培養了一大批粉絲當佢女神咁拜，又印製T恤“In Cathie We Trust”，仲有埋佢大頭，以表忠誠，這是投資ETF或基金的歷史少見😲。
圖： 撐Cathie WoodT恤網上有得賣
不過，這份忠誠面臨考驗，由去年二月高峰期至今，ARKK管理的金額縮咗水超過一半，基金縮水除咗因為投資嘅股票跌價之外，亦因為唔少投資者雞飛狗走，贖回基金離場。
圖： ARKK、同類、標普指數近十年總回報(資料來源：Barron’s)
真正的考驗來臨了！
ARKK(ARK Innovation ETF)主要投資在創新科技公司身上，它跟普通的ETF不同，並不是追蹤指數的被動型基金，而是有專人管理的主動型基金，管理基金的團隊很多都是年輕人，好處是對新科技接受程度比較高，因為他們由細到大都一直接觸新科技， 此外，他們多未遇過大風暴，包袱及顧慮會較年長的基金經理為少。不過，當正真的風暴來臨時又如何？這正是多年來順境之後，面對的最大考驗。
近期ARKK的跌勢比好多ETF或基金還要傷，主要原因至少有呢兩個：
- 市場轉調 科技股成重災區
預期通脹升溫之下，聯儲局加快閂水喉，加息步伐亦加速，市場投資成本增加，游資減少，投資變得越來越審慎，升得多、估值唔平的股票出現獲利情況。
另方面，科技公司好多屬於新冒起企業，仍在成長階段，對資金需求大，有錢賺都未必賺得多，通脹升溫帶動息口上升，這類少現金在手、甚至手緊的公司唔太受歡迎。
ARKK持貨最重的多家公司，經過多年的升市，近一年都出現不少的調整，令到ARKK基金都大縮水。
圖： ARKK投資組合的股價表現(20/1/2022)
2. 股民信心動搖 贖回增加
ETF是投資基金，資金來自股民，有新錢入來，基金便增加投資，股民急急散貨，基金資金唔多，有機會沽貨套現來應付投資者贖回潮，當一眾主動及被動型的科技ETF，一齊有這個動作，小型股份的跌勢會加速，進一步令到ETF再縮水。
所以市好，ETF可以越升越有，跌市有機會低處未見低。
投資點算好？
ARKK和一眾的科技股出現了不少的調整，問題是市場擔心通脹升溫，以及加息步伐加快，這些負面因素如果仍困擾股市，科技股繼續有沽售的壓力，直至有關問題帶來的衝擊反映到差不多，或者通脹開始受控。
事實上，信心嘅問題，可以令到股價低處未算低，何況一些科技股賺錢能力還不大，過往股價連年上升，都因為大家對前景有信心，越買越貴越多人追捧。現今投資氣氛逆轉了，相信都要一段時間才恢復過來，撈底也要睇時機，不要太進取，再跌多啲分段入市或者更可取，同時要作長線的打算，並要有風險管理的準備。
(24/1/2022)