強生(Johnson & Johnson，JNJ)相信係唔少追求穩健的至愛，這隻大型藥業股，亦係收息貴族，今年的股價表現唔多順境，年初至今逆市跌了一成四，去到近一年的低位，似乎有啲吸引力。
講到這隻美國最大型的藥業股應該冇乜人唔識，它優勢是業務多元化，多個領域都具有強大的市場地位，令到收入較為穩定，國際知名度又高，派息有增無減，所以成為一隻具吸引力的大藍籌。不過，股價的增長都較為穩定，唔可以期望好似大笨象咁跳跳吓。
今年普遍藥業股都表現得唔太好，強生都調整咗唔少，年初至今跌了大約14%，幅度比同業更深，去到近一年的低位。
圖：強生近5年股價表現
公司背景
強生成立於1886年，總部位於美國新澤西州。旗下有三大業務部門：製藥、醫療器械、和消費品。
製藥部門
主要從銷售處方藥品，產品涵蓋免疫學、心血管、肺部、代謝疾病等。
醫療器械部門
產品包括手術和診斷產品、人工關節和骨科產品、心臟血管產品、眼科產品等。
消費品部門
主要生產和銷售各種個人護理產品和家居保健產品，例如嬰兒用品、口腔護理產品、婦科護理產品、傷口護理產品等。
強生的優勢
公司最大的優勢是多元化的業務模式。旗下擁有超過200家子公司，反映業務多元化的一面，而多元化的好處自然是防守性較高，更有效地抵禦經濟周期的波動，令到收入及股價相對穩定。
三個部分：藥品、醫療科技和消費品，在2022年分別佔公司總收入的55.4％、28.9％和15.7％。2022年公司總收入為949億美元，增長1.3％。
藥業股一向都是防守性較強的股份，早兩年受惠於肺炎疫情的刺激，業務表現都能夠在弱市中突圍而出，不過各地走出疫情的陰霾，疫苗變咗滯銷，加上之前升唔少，今年股市又轉咗焦點，種種的因素下，藥業股普遍表現唔太好，這隻龍頭企業都調整咗唔少，如果作一個長線的投資，又不妨留意一下。
值得一提，公司將於下月18日公布業積，市場預計收入為235.9億美元，微升0.68%，每股盈利則按年跌5.99%，且看到時成績表有沒有給大家意外。
(29/3/2023)