股市跌又唔想離場，大家都想盡辦法如何保本生利，所以近年冒起具抗跌能力的buffer ETFs(緩衝型ETF)，漸漸多人留意。這類面世只有4年的另類ETF，係咪真係可以幫你保本呢？
這類buffer ETFs(緩衝型ETF)，簡單來說，就是將大部份資金用來投資，如追蹤一些指數(好似係標普500指數)，另外撥出部份資金用來購買一些衍生工具如期權，用作對沖，抵銷一旦跌市帶來的不利影響。
這類的ETF有幾保本？主要睇基金用咗幾大部錢來做對沖，以及緩衝的幅度。不同buffer ETFs，有不同的防震功能。以Innovator S&P 500 Power Buffer ETF — July (PJUL)為例，基金投資標普500指數成份股，同時又會在12個月內有15%的緩衝量。
投資這類基金要注意時效，七月份的ETF就是七月起開始的12個月內，緩衝量會參照指數開始水平辦事。到期後會重訂內容。
今年以來(至 20/9/2022)，美股標普指數跌咗19.6%，這隻PJUL只係跌咗3.5%，過去一年，標普指數跌咗11.5%，PJUL則微升0.23%，發揮一定的抗跌力。
圖：PJUL及標普指數股價表現
緩衝ETF 自2018年以來，已成為ETF市場中，增長最快的一類基金，至今數目超過100隻，涉及資產規模超過140億美元。
注意事項
這類ETF其實結構較複雜，同時有啲缺點值得留意。
第一，這類基金的成本比較高，開支比率達到0.79%，而一般追蹤標普500指數的基金，例如(Vanguard S&P 500 ETF)VOO，開支比率只是0.03%。
第二，不是百分之百抗跌，只是滿足基金預先設定的防震水平，例如15%、20%等等。
第三，如果睇錯市，股市不單沒有大跌，反而越升越有，這類基金會跑輸大市。
總括來說，ETF的品種越出越多，在動盪的市況下，這類buffer ETFs可以起著緩衝的功能，但投資時要多了解它的結構和內容，才可以善加利用。
(21/9/2022)