年初以來，無論港股、美股，以至全世界的股市都出現大調整，我們的MPF普遍亦難逃一劫，問題是閣下的強積金會否比市面一般MPF做得好，或者蝕得比人多？ 今次介紹一個實用網站，幫大家鑒定一下你的MPF表現。
事實上，要了解自己MPF的表現，只靠幫襯開的強積金營運商提供的數據，是完全摸不着頭腦的，最好都是靠自己，如果基金公司表現不濟，不如自己再做研究去轉平台。
簡單方法睇晒自己MPF表現
今次介紹一個實用的網站，並不是甚麼特別的金融資訊平台，都係積金局的網頁，但相信平時大家都未必會上去逛逛，網站有些內容更新了，所以再同大家分享下。
1）首先去到強積金的基金平台的[我的選擇]
2）揀出你用開的基金公司，佢會自動出晒旗下個別基金名稱
3）再選你投資咗嘅多個基金
基本資料會詳細列晒出來，包括推出年份、規模、管理費、風險評級，以及過去一年、五年、十年等等的回報表現。這些資料比自己基金公司提供的資訊還要詳細，以及方便易用。
圖：強積金「我的選擇」網頁
邊間公司嘅基金做得好？
積金局平台裡，另一個推介的工具是 「基金資訊表」。
入到網頁，市面上提供的強積金資訊和表現都一目了然，例如基金推出的日期、基金規模，以及過去多年表現嘅資料。同時，按一下上面的三角形便可以按次序排列，這個功能我覺得最實用，方便做比較。
圖：強積金「基金資訊表」網頁
呢個強積金基金平台仲有好多資料值得參考，大家不妨去睇下，應可以幫到你評估自己MPF表現，探索下是否需要搵個更好的基金公司，管理你的強積金。
(7/10/2022)