近日上去ChatGPT經常入唔到，真係從未如此投入過😅，呢個熱潮依家是一個起點? 還是好快曇花一現呢？仍然係未知數，不過筆者願意為這類行業，研究做一個長期的部署，今次先搵六間公司做一個檢閱俾大家參考，我得閒就會跟進吓，或會加減名單公司。
呢六間公司係三大 “三細”。包括微軟(MSFT)， Google母公司Alphabet(GOOGL)， NVidia (NVDA)，以及三間普通投資者唔太認識嘅Ai相關公司： UiPath(PATH)、Splunk(SPLK)及Synopsys (SNPS)。
圖：6隻ChatGPT受惠股資料
三間大公司唔使多作介紹，先前介紹過唔少，今次介紹相對”較細”的三間公司。
Synopsys (SNPS)
Synopsys係一間開發軟件工具嘅科技公司，用嚟設計同測試電腦晶片，以及軟件程序。其他公司會用佢哋嘅產品製作出更快更有效率嘅電腦系統。
Synopsys獨特之處係專注於電子設計自動化（EDA），幫助自動化設計過程，令電腦晶片及軟件開發過程更加順暢。
Synopsys對人工智能(AI)嘅發展非常重要，因為AI需要複雜嘅電腦系統，去處理及分析大量數據。Synopsys嘅工具可以幫助創建這些複雜嘅系統，提供自動化設計和驗證。
Synopsys在市場佔領導地位，但近年增長得好快，所以估值都貴到冇朋友，投資時要小心。
UiPath (PATH)
UiPath係一間專注開發機器人流程自動化（RPA）嘅公司，佢哋嘅軟件可以幫助企業自動處理重複性、繁瑣嘅任務，減少人力成本同提高效率。
公司獨特之處係佢嘅軟件易於使用，無需具備高深嘅編程知識，企業用戶可以通過拖放界面嚟進行操作。
UiPath對AI市場嘅重要性，喺佢嘅軟件可以通過機器學習技術，進行智能化自動化，提高自動化流程嘅準確度及效率。
佢哋嘅軟件應用廣泛，適用於各種行業，例如金融、醫療、保險等等。UiPath係全球RPA市場嘅市場佔有率達到30%以上。
Splunk (SPLK)
Splunk開發嘅軟件工具，主要用於分析大量數據。公司獨特之處係嘅軟件可以處理多種不同數據，例如日誌、流量、設備數據等等，並將呢啲數據轉換成易於理解嘅格式，方便企業做出決策同改善業務。
Splunk對AI市場頗重要，佢嘅軟件可以幫助開發者建立智能化系統，即係幫手處理龐大的數據，俾AI算法進行學習，提高人工智能系統嘅準確度同效率。
圖：6隻ChatGPT受惠股3年股價走勢
值得一提，科技公司屬於波動比較大的公司，特別是去年科技股跌到四腳朝天，科技公司不斷炒人，加上近期矽谷銀行出事，令不少科技企業更加缺水，環境更上加霜，如果這個新一浪的AI熱發展不似預期，咁風險就比較大。
（22/3/2023）