投資美國其中一個吸引地方是一股也可以買賣，令到入場費比較平民化、親民。特別比起香港股票以一手做買賣單位，投資香港藍籌股，入場資金隨時可以買多幾隻美國大公司。不過不少股民的至愛如Amazon(AMZN)，股價年年升，令到一股的價錢貴到平民都買唔起，幸好公司來了一個轉變，拆細股份。
Amazon日前公布1拆20，5月27日收市後生效。 所謂拆細股份，好似將塊餅切得細啲，每份可以賣得平啲。這對公司股權架構沒有影響，但就可以有利股份在市場的流通，一般對短期股價有刺激作用。
Amazon此舉並不是新鮮事，其實在科網龍頭當中，已經是比較遲拆細股份的公司。 Google母公司早前已經宣佈1拆20的計劃。 蘋果公司(AAPL)早於2020年已經將股份1拆4。
事實上拆細股份已經成為一間公司成長常遇過程，當公司快高長大，股價年年大升，多年之後，一股價錢已經可以升到3位、甚至4位數字。以Amazon及Google為例，一股的價錢分別是二千多美元，折合萬多、二萬港元。 有些公司可能以高股價自豪，所以唔願拆細，但小散戶哪裡來咁多錢，買了一股高價股，冇錢投資其他公司☹️。
藍籌拆細股份好處多
拆細股份其實有唔少的好處。股份拆細之後， 可以讓更多人參與，多了人入場買賣，股份的流動性增加，對股價有支持， 所以不少公司在宣布拆細股份之後，股價短期內都會造好。
另一個好處或者是挽留人才，科技公司唔少都派股份比員工，這類的股權激勵計劃（stock-based compensation，簡稱SBC），有利挽留員工。但股價下下都咁高的話，對員工等錢使套現都唔太靈活。股份拆細之後，在理財方面變得輕鬆得多，這不是我估計的，Amazon在通告亦有提過。”the split is aimed at giving employees more flexibility in how they manage their equity.”
在Amazon及Google拆細股份之後，整體大型的科技藍籌FAAMG ，包括Facebook母公司Meta(FB)、蘋果公司、微軟(MSFT)等等，一股入場費大概千多港元。這樣大家就可以2萬港元都唔使，買齊晒佢啲嘅股份🤗。
圖：美國大型科技藍每股價錢(11/3/2022)
圖：美國大型科技藍股價表現(11/3/2022)