《金融時報》有一篇來自美國21歲大學生的讀者投稿，講述他投資GameStop的經歷，頗為有趣，也想在這裡跟大家分享一下。
這名芝加哥大學生在買入GameStop股票前，只記得呢間公司係幾美元就可以買到你都唔會玩的電子遊戲的舖頭。公司上了市也不知道，更唔清楚講乜野係挾倉。
這位大學生，跟三個朋友共同租咗一間屋住，平常生活平平無奇，特別是在疫情肆虐的日子。他買入呢隻股票純因為在Reddit的一個post，講緊挾淡倉，又話呢個係賺錢的大好機會，結果佢用咗250美元入股。
買入GameStop股票 之後，見到股價好似坐火箭一樣上升，48小時內股價升了一倍，感到非常刺激，與此同時，見到散戶都打贏華爾街大鱷，更有好像史無前例的感覺。不過在證券行(Robinhood)限制散股買賣時，看到勢色不對，賣晒所有手上的GameStop股票止賺離場，結果賺了600美元。
自從可以網上買賣股票之後，賺了錢都無人知，一般都係低調發財😄，但在這個環境，可以在社交網絡吹下來，好多人同聲同氣，一呼百應，分享研究心德，又賺到快錢，自己更加興奮，還有是打了大鱷，一股正義感又湧上心頭，或許這是這場戰役的助燃劑。
最後呢個小散戶學到啲乜？簡單來說佢見識咗投資市場不可預測、刺激和飄忽的一面。
“If I have learnt one thing from GameStop, it is that a market mania is unpredictable, exhilarating and random”
唔講大家未必知，我哋網站investcoo排第一位最多人搜尋的文章唔係 “如何入場買股票” 或者 “投資甚麼好”的相關文章，而係 《股票價格為何會升會跌？》。
如果你都有同樣問題，不妨再重溫我地兩篇文章
《股票價格為何會升會跌？》
《何解公司蝕錢 股價仍大升？》
希望今次GameStop一役，賺到錢的小散戶唔好玩上㽼，投資市場大鱷打之不盡，對市場認識多一啲的同時，要學埋控制風險。