大家有睇開Netflix(NFLX)電視節目的話，會否覺得近排冇乜特別劇集吸引，感覺有啲悶，如果你有同感，或對Netflix最新出爐的業績不會覺得太驚奇。
Netflix星期二收市後公布季度業績，股價在星期三急插3.8%收市，這是市場對業績的直接反應。
圖片來源：公司網頁
Netflix在截至6月30日的季度，新增訂戶154萬，雖然比市場預期的112萬戶多，但增長速度是近年來最慢，上季每股盈利為2.97美元，低於市場預期的3.14美元，收入則錄得73.4億美元，略為高於市場預期的73.2億美元。對業績報告有興趣，可以按此看一下公司給股東的信，
市場對Netflix失望，不是因為收入的問題，大家的焦點放在訂戶的增長，增速減慢特別是美加的訂戶不升反跌。這份業績有人形容為公司近多年來最難睇的季度成績表。隨著疫情對民生、經濟影響減低，又會否令Netflix失勢呢？
不過，睇番出面的評論，市場又唔係一面倒睇淡，睇淡的是因為訂戶增幅唔太勁，而仍然堅持睇好的則有兩個看法：1）公司正在積極開拓遊戲市場； 2）正如管理層在業績會議(earning call)解釋，下半年陸續有重頭戲推出，到時可能會好啲。
計劃出遊戲服務 不另收費
公司正打算開拓遊戲市場，並請來一個資深業內人士Mike Verdu負責拓展遊戲服務。 Mike Verdu曾在Facebook、遊戲開發商雅達利（Atari）工作過。計劃中的新服務，唔會另外收費，幾時推出就未有時間表。但這個新方向，自然又有正反兩面的反應，看好的就覺得串流電視服務增長放慢，遊戲市場或成為公司一個新的增長點。相反看淡的，就覺得遊戲開發又是燒錢的業務，同時不少公司曾經試過都唔成功。
事實上，在Netflix透露話會開拓遊戲市場時，多間同類的遊戲業務開發商如 Nintendo (NTDOY)、Electronic Arts (EA) 等，股價沒有太大變動， 似乎未擔心過😌。
下半年重頭劇出爐
講番節目內容， 受肺炎疫情的拖累，很多劇集製作的進度都大受影響，所以上半年都未有太多具號召力的劇集推出，或者下半年有收視保證的劇集(新一季)陸續出爐，訂戶可以回升番。
總括來說，Netflix的季度業績令市場失望，不過也未必要睇得太淡，但要撈底？或者睇定啲先。
利申：筆者只係訂戶，並沒持有Netflix股份🤫。
(23/7/2021)