Netflix(NFLX)星期三公布咗業績，股價隨即插水，單日價值蒸發了三分之一，表現可用 “非常之慘烈”來形容，其實公司的業績唔太差，收入有增長， 符合市場預期。股民唔收貨，是否預示大家對Netflix前景睇得好淡，覺得公司發展已經係強弩之末，前景堪輿呢😱？
Netflix在業績透露，上季淨流失20萬客，不過主要因為撤出俄羅斯市場唔見咗70萬客， 如果唔計俄羅斯的影響，公司乃有50萬新客，但數字就遠低於預期。
股價跌得咁厲害，並不因為Netflix盤數差，而是一直以來大家對公司的睇法特別是客戶的增長及忠誠度特別樂觀，當數字跟大家預期有出入，重新評估公司價值。
Netflix拖累同行捱沽
Netflix客戶增長放慢，有多個原因，首先公司自己解畫，話有過億個用戶睇片唔俾錢，而另外主要原因大家都估到，就是在疫情肆虐的時候，大部份人留在家中，自然會睇多咗電視，上客人數大幅增長。當各國的疫情管控措施慢慢放寬，好多人就會報復式出來玩樂，仲邊有咁多時間睇電視。當然仲有市場競爭激烈，用戶有選擇。
另方面，美國及歐洲的通脹升溫，啲錢越來越縮水，人們使錢都要小心一啲， 慳得就會慳，所以都影響其他非必要的娛樂開支。
Netflix股價跌，拖累同類串流及娛樂公司股票俾人狂沽，面對被調低投資評級的壓力。
圖：Netflix及相關公司股價表現
投資怎麼辦？
年初以來，Netflix累計跌咗超過六成，小股東們咪話唔傷。在公司公布業績之後，不少的美股分析員建議沽售，但呢個時間先離場會唔會又遲咗呢？
圖：Netflix 5年總回報(與標普指數比較)
市場上都仲有啲大好友，覺得公司仲有啲價值，一來跌得咁多，去到吸引水平，二來，公司的財務健康，三來，預期Netflix會出招增加收入，例如推出廣告計劃，又會回應睇片唔俾錢的用戶。
大家對Netflix又點睇？
利申：筆者只是訂戶，沒有持Netflix股份